As 7 Familias Galegas

O xogo de «As 7 familias galegas» é unha versión dos xogos de cartas populares que en distintas épocas agruparon á sociedade segundo familias ligadas a un oficio.

Nesta ocasión amosan a sociedade galega, traballadora por definición e con oficios tradicionais arraigados ao territorio que nalgún caso incorporan elementos actuais. As familias son mariñeiros, agricultores, gandeiros, industria téxtil, artistas, madeireiros e seres mitolóxicos.

Cada profesión distínguese por unha cor, símbolo e apelido referente ao seu oficio. O conxunto de cartas dunha mesma familia pódese agrupar unha tras outra formando unha gran ilustración apaisada na que se recoñecen algunhas das principais poboacións galegas con elementos propios da nosa cultura.