Coruñento. Serigrafía (35 x 35 cm)

Serigrafía limitada a 100 unidades en papel Fabriano 250 gr. Firmado e datado (2021)

O coruñento alienado pasea cos seus adorados fetiches, pantalla e can. Coas dúas mans ocupadas e o rostro bañado pola luz dixital, camiña por Coruña nun estado de sedación permanente.

A referencia para esta obra é o díptico dos Duque de Urbino, de Piero della Francesca. Na obra do século XV celébrase o home Renacentista como protagonista activo da historia, a mirada do duque reflicte a confianza no ser humano. No caso do Coruñento vemos a un home descoñecedor da súa condición humana, coa mirada perdida entre os estimulos do novo século.